Come join us on June 14 to celebrate and Commemorate Kawthoolei Day (Invitation)
- Youthin Actionactive
- May 22
- 1 min read
ဟဲသးခုဒီးပာ်ဖှိၣ်ထီၣ်သကိးသးဒီးပှၤ လၢတၢ်သ့ၣ်နီၣ်မၤလၤကပီၤကီၢ်သူလ့ၤမုၢ်နံၤ လၢအလီၤဘၣ်ဖဲ လါယူၤ ၁၄ သီ (တၢ်ကွဲမုာ်)
Date: May 22, 2026 | လါမ့ၤ ၂၂ သီ, ၂၀၂၆
ဆူ
ကီၢ်သူလ့ၤဖိမုၣ်ဖိခွါ, ဒီး ဒီပုၢ်ဝဲၢ်မိၢ်ပၢ်သရၣ်သမါကိးဂၤလၢ ဆီၣ်ထွဲမၤစၢၤတ့ၢ် ကီၢ်သူလ့ၤမုၢ်နံၤ တၢ်ရဲၣ်တၢ်ကျဲၤတၢ်လိၣ်အဂီၢ်
တၢ်ဂ့ၢ် - တၢ်စံးဘျုးစံးဖှိၣ်, တၢ်ဒုးသ့ၣ်ညါပာ်ဖျါ, ဒီးတၢ်ကွဲမုာ်
ဒ်တၢ်ဂ့ၢ်ဖျါလၢအဖီခိၣ်အသိး ပသးအိၣ်စံးဘျုးသု ခီဖျိသုတၢ်ဆီၣ်ထွဲကဒီးဝဲ အပူၤကွံာ် ၂၀၂၅ နံၣ် တၢ်မၤလၤကပီၤ ကီၢ်သူလ့ၤမုၢ်နံၤအဃိန့ၣ်လီၤ. ခီဖျိသုတၢ်ဆီၣ်ထွဲမၤစၢၤအဃိပမၤလၤကပီၤဘၣ် ကီၢ်သူလ့ၤမုၢ်နံၤ ဂ့ၤဂ့ၤအိၣ်ဖျါထီၣ်ဝဲဒီး အသူးအသ့ၣ်, အလၤကပီၤ, အိၣ်ဝဲဒၣ်ဒီးအကဟုကညီၢ်န့ၣ်လီၤ.
လၢတနံၣ်ညါအံၤ တၢ်ကမၤလၤကပီၤကီၢ်သူလ့ၤမုၢ်နံၤအဂီၢ် ပသးအိၣ်ဒုးသ့ၣ်ညါဘၣ်သုလၢ ကမံးတံာ်အိၣ်ဒီးတၢ်ဆၢတဲာ်လၢ တၢ်တဆ1ါ0ၢလံာ်ဒၢလၢတၢ်ဆီၣ်ထွဲမၤစၢၤအဂီၢ်လၢဘၣ်. မ့မ့ၢ်တခီ သးအိၣ်ဒုးသ့ၣ်ညါ ကွဲမုာ်သုလၢ သုကမၤချုးမၤဒးသုသး ဒီး ဟဲမၤလၤကပီၤသကိးဘၣ် ကီၢ်သူလ့ၤမုၢ်နံၤလၢအလီၤဘၣ်ဖဲ မုၢ်ဒဲးအနံၤ, လါယူၤ ၁၄ သီ န့ၣ်လီၤ. ဒ်သိးပကတဲာ်ကတီၤဆိတၢ်အီၣ်တၢ်အီ လၢလၢလီၣ်လီၣ် လၢပှၤကိးဂၤဂီၢ်ကသ့အဂီၢ် သးအိၣ်ဃ့ကညးသုလၢ မ့ၢ်သ့ဆဲးလီၤဘၣ်ဆိသုမံၤ န့ၣ်လီၤ. လၢသုကဆဲးလီၤသုမံၤအဂီၢ် သုစကဲ (Scan) ဝဲ QR Code လၢလံာ်ဘိးဘၣ်သ့ၣ်ညါအပူၤ မ့တမ့ၢ် သုဆဲးကျိး ကမံးတံးပှၤဘၣ်မူဘၣ်ဒါ တဖၣ်သ့စ့ၢ်ကီးလီၤ. သုမ့ၢ်ဘၣ်သး နုာ်လီၤပာ်ဖှိၣ်မၤသကိး ဒ်သိးကမံးတံးတဂၤအသိး သ့ဝဲစ့ၢ်ကီးန့ၣ်လီၤ.
လၢတနံၣ်ညါအံၤတၢ်မၤလၤကပီၤ ကီၢ်သူလ့ၤမုၢ်နံၤတၢ်ရဲၣ်တၢ်ကျဲၤအဂီၢ်, မုၢ်နံၤမုၢ်သီ,တၢ်လီၢ်တၢ်ကျဲ,ဒီးတၢ်ဆၢကတီၢ်မ့ၢ်ဒ်လာ်အံၤအသိး, ဒီးပကွဲမုာ်ဘၣ်နၤဒီးပှၤလၢဘၣ်ထွဲဒီးနၤကိးဒံကိးဂၤဒဲးလၢ နကဟဲသးခုဒီးမၤလၤကပီၤသကိးကီၢ်သူလ့ၤမုၢ်နံၤန့ၣ်လီၤ.
မုၢ်နံၤ - လါယူၤ ၁၄ သီ, ၂၀၂၄ နံၣ်
တၢ်လီၢ် - 43566 Ginger Ave, Harris, MN 55032
တၢ်ဆၢကတီၢ် - ဂီၤခီ ၉း၃၀ နၣ်ရံၣ် (မဲၣ်နံၣ်စိထၣ် နီၣ်ထိၣ်)
ပှဲၤဒီးတၢ်ယူးယီၣ်ပာ်ကဲအါ
ကီၢ်သူလ့ၤမုၢ်နံၤရဲၣ်ကျဲၤကမံးတံာ်
Comments