တၢ်ဒုးသ့ၣ်ညါ စံးဘျုးက့ၤပှၤကိးဂၤ လၢအဟဲသးခု မၤလၤကပီၤကီၢ်သူလ့ၤမုၢ်နံၤ ဃုာ်ဒီး ပှၤလၢအဆှၢခီၤ စုဖိအတၢ်မၤစၢၤ
- Youthin Actionactive
- Jun 22
- 1 min read
Date: June 22, 2026
ဆူ
ကီၢ်သူလ့ၤဖိမုၣ်ဖိခွါ,
ပှၤလၢဟဲသးခုမၤလၤကပီၤ ဒီးဆီၣ်ထွဲမၤစၢၤကီၢ်သူလ့ၤမုၢ်နံၤကိးဂၤ,
ပဝဲ ကီၢ်သူလ့ၤမုၢ်နံၤ ရဲၣ်ကျဲၤကမံးတံး သးအိၣ်စံးဘျုးဘၣ် ပှၤလၢဟဲသးခု မၤလၤကပီၤ ဒီးမၤဃံမၤလၤသကိး ကီၢ်သူလ့ၤမုၢ်နံၤ ကိးဂၤဒဲးန့ၣ်လီၤ. တနံၣ်အံၤ ပှၤလၢဟဲဆူ တၢ်မၤလၤကပီၤတၢ်ရဲၣ်တၢ်ကျဲၤအိၣ်ထီၣ်ဘးဝဲလၢ (၂၀၀) ဂၤ န့ၣ် ဒ်ပထၢစရီ ဒီးသ့ၣ်ညါဘၣ်အသိး ပဒုးသ့ၣ်ညါက့ၤ ပှၤကိးဂၤဒဲးန့ၣ်လီၤ.
သုဝဲလၢသူၣ်အိၣ်သးအိၣ် ဆီၣ်ထွဲမၤစၢၤ ကီၢ်သူလ့ၤမုၢ်နံၤတၢ်လၢာ်ဘူးလၢာ်စ့ၤ ခီဖျိတၢ်သးအိၣ်စူးဘူ န့ၢ်ဝဲ စ့ခဲလၢာ် (၆၆၅.၀၀) ဒီၤလၤ န့ၣ်လီၤ. ကမံးတံး တၢ်ပာ်ဖှိၣ်သကိးစ့ နီၢ်တဂၤ (၆၀.၀၀)ဒီၤလၤ ခဲလၢာ်န့ၢ်ဝဲ (၁၄၉၀.၀၀) ဒီၤလၤ န့ၣ်လီၤ. ၂၀၂၅ နံၣ်, စ့လၢအအိၣ်တ့ၢ်ဒီး တၢ်စိာ်ခီအီၤဆူ ၂၀၂၆ နံၣ်မ့ၢ်ဝဲ (၁၅၄၂.၉၁ ဒီၤလၤ) န့ၣ်လီၤ. စ့ပာ်ဖှိၣ်ခဲလၢာ် လၢ ၂၀၂၆ နံၣ်တၢ်သူတၢ်စွဲအဂီၢ်မ့ၢ်ဝဲ(၃၆၇၂.၉၁) န့ၣ်လီၤ.
လၢ တၢ်လီၢ်တၢ်ကျဲအဂီၢ် တၢ်လၢာ်ဘူးလၢာ်စ့ၤမ့ၢ်ဝဲ (၁၀၀ဝ.၀၀) ဒီၤလၤ, ဒီးလၢတၢ်ပှ့ၤတၢ်အီၣ်တၢ်အပီးအလီ အကစဲးကရဲး ဒီးတၢ်ဖီအီၣ်တ့ၤအီၣ်အပီးအလီတဖၣ်အဂီၢ် တၢ်လၢာ်ဘူးလၢာ်စ့ၤမ့ၢ်ဝဲ (၁၄၆၀.၉၆) ဒီၤလၤန့ၣ်လီၤ. တၢ်အီၣ်(ကသူအဂီၢ်) ဒ်အမ့ၢ် ထိး,ဆီ,ဒီးမဲးတဲးလဲးတဖၣ် မ့ၢ်လၢကမံးတံးဖိတနီၤ တၢ်သူၣ်အိၣ်သးအိၣ်အဃိ တၢ်လၢာ်ဘူးလၢာ်စ့ၤ တၢ်တထုးထီၣ်သူကမံးတံးအစ့ပာ်ဖှိၣ်အံၤဘၣ်. မ့မ့ၢ်တခီ တၢ်သူဝဲဒၣ် ကမံးတံးအစ့ပာ်ဖှိၣ် ဒ်ပပာ်ဖျါလၢစ့ဟးထီၣ်လၢအဖီခိၣ်အသိး ဒီးစ့ဟးထီၣ်ခဲလၢာ်မ့ၢ်ဝဲ (၂၄၆၀.၉၆) ဒီၤလၤ န့ၣ်လီၤ.
စ့အိၣ်တ့ၢ်ဒီး စိာ်လၢတၢ်စိာ်ခီအီၤ လၢဆူညါ တၢ်ရဲၣ်တၢ်ကျဲၤအဂီၢ် ခဲလၢာ်မ့ၢ်ဝဲ (၁၂၁၁.၀၄) ဒီၤလၤ န့ၣ်လီၤ. စံးဘျုးဘၣ်ကီၢ်သူလ့ၤ ဖိမုၣ်ဖိခွါ ကိးဂၤဒဲးလၢ အယူာ်ဃီၤအစုဖိတၢ်မၤစၢၤ လၢတၢ်ဆီၣ်ထွဲမၤစၢၤ မူးအတၢ်ရဲၣ်တၢ်ကျဲၤအဂီၢ်မ့ၢ်ဂ့ၤ ဒီးလၢဟဲထီၣ်သးခုမၤလၤကပီၤသကိး ၂၀၂၆ နံၣ် ကီၢ်သူလ့ၤမုၢ်နံၤ အံၤန့ၣ်လီၤ.
ပှဲၤဒီးတၢ်ယူးယီာ်ပာ်ကဲအါ
ကီၢ်သူလ့ၤမုၢ်နံၤရဲၣ်ကျဲၤကမံးတံး
Comments