Thank you for your support. We successfully organized "Song Htee Htar Sway Contest" Successfully organized!

​စံး​ဘျုး​စံး​ဖှိၣ်​သု​ကိး​ဂၤ​ဒဲး​ခီ​ဖျိ​သု​တၢ်​ဆီၣ်​ထွဲ​မၤ​စၢၤ​အ​ဃိ "​ထံ​ထၣ်​စွ့​ကီၢ်​ခီ​ဒိၣ်​အ​ထါ​တၢ်​သး​ဝံၣ်​တြီၤ" ​ဝံၤ​ဝဲ​ဒီး​ကဲ​ထီၣ်​ဝဲ​ဂ့ၤ​ဂ့ၤ

Date: June 06, 2026

​ဆူ

​ကီၢ်​သူ​လ့ၤ​ဖိ​မုၣ်​ဖိ​ခွါ,

​ က​မျၢၢ်​ထံ​ဖိ​ကီၢ်​ဖိ​လၢ ​ဆီၣ်​ထွဲ "​ထံ​ထၣ်​စွ့​ကီၢ်​ခီ​ဒိၣ်​အ​ထါ ​တၢ်​သး​ဝံၣ်​သ​တြီၤ"​တၢ်​ရဲၣ်​တၢ်​ကျဲၤ​ခဲ​လၢာ်,

​တၢ်​ဂ့ၢ် - ​တၢ်​စံး​ဘျုး​စံး​ဖှိၣ်​ဒီး​ဒုး​သ့ၣ်​ညါ​က့ၤ

ဒ်​တၢ်​ဂ့ၢ်​အိၣ်​ဖျါ​တ့ၢ်​လံ​လၢ​အ​ဖီ​ခိၣ်​အ​သိး, ​သး​အိၣ်​ကွဲး​စံး​ဘျုး​စံး​ဖှိၣ် ​ဒီး​ဒုး​သ့ၣ်​ညါ​ဘၣ်​က့ၤ​သု ​ပ​တၢ်​ဖံး​တၢ်​မၤ​အ​တၢ်​ကဲ​ထီၣ်​လိၣ်​ထီၣ် ​ခီ​ဖျိ ​သု​တၢ်​သး​အိၣ်​ဆီၣ်​ထွဲ​ဒီး​တၢ်​ပာ်​ဖှိၣ်​မၤ​သ​ကိး​အ​ဃိ​န့ၣ်​လီၤ. ​ဖဲ ၂၀၂၅ ​နံၣ်, ​လါ​နိၣ်​ဝ့​ဘၢၣ်​အ​ပူၤ​အ​ဆၢ​က​တီၢ် ​ပ​ပာ်​ဖျါ​ဒီး​ဒုး​သ့ၣ်​ညါ​သု​ဘၣ်​ဃး​ဒီး ​တၢ်​ရဲၣ်ကျဲၤ,​မၤ​ကဲ​ထီၣ်​လိာ်​ထီၣ်​ဝဲ ​တၢ်​သး​ဝံၣ်​သ​တြီၤ​အ​တၢ်​ရဲၣ်​တၢ်​ကျဲၤ​လၢ​အ​မ့ၢ်​ဝဲ "​ထံ​ထၣ်​စွ့​ကီၢ်​ခီ​ဒိၣ်​အ​ထါ​တၢ်​သး​ဝံၣ်​သ​တြီၤ” ​န့ၣ်​လီၤ.

​ခဲ​အံၤ "​ထံ​ထၣ်​စွ့​ကီၢ်​ခီ​ဒိၣ်​အ​ထါ” ​တၢ်​သး​ဝံၣ်​သ​တြီၤ​တၢ်​ရဲၣ်​တၢ်​ကျဲၤ​ဝံၤ​ဝဲ​ဂ့ၤ​ဂ့ၤ​ဘၣ်​ဘၣ်​လံ, ​အ​ဃိ​ဒီး​သး​အိၣ်​ဒုး​သ့ၣ်​ညါ​ဘၣ်​က့ၤ​သု​အ​ဂ့ၢ်​အ​ကျိၤ​ဒ်​လာ်​အံၤ​အ​သိး​န့ၣ်​လီၤ. ​တၢ်​သး​ဝံၣ်​သ​တြီၤ​အ​တၢ်​ရဲၣ်​တၢ်​ကျဲၤ​အံၤ ​ပ​တိာ်​အီၤလၢ ​က​ကဲ​ထီၣ်​ဝဲ ​တၢ်​လီၢ် (၃)​တီၤ​လၢ​အ​မ့ၢ်​ဝဲ ​အံ​တူၢ်​ထၣ်, ​မဲး​လး​ဒဲ​က​ဝီၤ, ​ဒီး​လီ​မဲာ်​သၣ်​လိၤ ​ပှာ်​ယဲၤ​သ​န့​အ​ဖီ​ခိၣ် (Online)​ တၢ်​သ​တြီၤ, ​ဘၣ်​ဆၣ်​ဒီး​ခဲ​လၢာ် ​ကဲ​ထီၣ်​ဝဲ​ဒၣ် ​မ့ၢ်​ဝဲ ​တၢ်​လီၢ်(၄)​တီၤ, ​တၢ်​သ​တြီၤ​အ​တၢ်​ရဲၣ်​တၢ်​ကျဲၤ ​တၢ်​လီၢ်​အါ​ထီၣ်​ဝဲ​ဃုာ်​ဒီး ​ထိၣ်​လွံၢ်​ဝါ ​န့ၣ်​လီၤ.

​အံ​တူၢ်​ထၣ်​တၢ်​သး​ဝံၣ်​သ​တြီၤ​တၢ်​ရဲၣ်​တၢ်​ကျဲၤ​အံၤ ​ကၠိ​လၢ​ပာ်​ဖှိၣ်​မၤ​သ​ကိး​တၢ်​ဒီး​နုာ်​လီၤ​တၢ်​သး​ဝံၣ်​သ​တြီၤ​တၢ်​မ့ၢ်​ဝဲ ​ကၠိ​သၢ​ဖျၢၣ် (​အံ​တူၢ်​ထၣ်​တီၤ​ထီ​ကၠိ, ​အူ​ပှဲၤ​ကျိ​တီၤ​ထီ​ကၠိ, ​ဒီး T​CI) ​ဒီး​ပှၤ​နုာ်လီၤ​သ​တြီၤ​ခဲ​လၢာ်​အိၣ်​ဝဲ ၁၇ ​ဂၤ ​န့ၣ်​လီၤ.

​မဲး​လး​ဒဲ​က​ဝီၤ​တၢ်​သး​ဝံၣ်​သ​တြီၤ​တၢ်​ရဲၣ်​တၢ်​ကျဲၤ ​ကၠိ​လၢ​ပာ်​ဖှိၣ်​မၤ​သ​ကိး​တၢ်​ဒီး​နုာ်​လီၤ​တၢ်​သး​ဝံၣ်​သ​တြီၤ ​မ့ၢ်​ဝဲ ​ကၠိ​ယဲၢ်​ဖျၢၣ် ​လၢ​အ​အိၣ်​သူၣ်​လီၤ​အ​သး​လၢ​မဲး​လး​ဒဲ​က​ဝီၤ​အ​ပူၤ ​ဒီး​ပှၤ​နုာ်​လီၤ​သ​တြီၤ​တၢ်​ခဲ​လၢာ်​အိၣ်​ဝဲ ၁၅ ​ဂၤ ​န့ၣ်​လီၤ. ​

လီ​မဲာ်​သၣ်​လိၤ ​ပှာ်​ယဲၤ​သ​န့​အ​ဖီခိၣ် (Online)​ တၢ်​သး​ဝံၣ်​သ​တြီၤ​တၢ်​ရဲၣ်​တၢ်​ကျဲၤ​ပှၤ​လၢ​နုာ်​လီၤ​တၢ်​သ​တြီၤ​တ​ဖၣ်​အိၣ်​ဝဲ ၂၀ ​ဂၤ ​ဒီး​အ​ဝဲ​သ့ၣ် ​အိၣ်​ဝဲ ​လၢ​တၢ်​လီၢ်​အါ​တီၤ ​န့ၣ်​လီၤ. ​

တၢ်​သး​ဝံၣ်​သ​တြီၤ​လၢ ​ထိၣ်​လွံၢ်​ဝါ, ​ကီၢ်​သူ​လ့ၤ-​တီ​အူ​ကီၢ်​ရ့ၣ် ​အံၤ​မ့ၢ်​ဝဲ​တၢ်​သး​ဝံၣ်​သ​တြီၤ​အ​တၢ်​ရဲၣ်​တၢ်​ကျဲၤ​လၢ​ခံ​က​တၢၢ် ​လၢ​အ​ဘၣ်​တၢ်​ရဲၣ်​ကျဲၤ​အီၤ​ဖဲ ​လါ​ယ​နူၤ​အါ​ရံၤ ၃၁,၂၀၂၆ ​ဖဲ(​က​ညီ​တၢ်​ပၢၢ်​ဆၢ​အ​မုၢ်​နံၤ) ​လၢ​အ​ဘၣ်​တၢ်​ရဲၣ်​ကျဲၤ​အီၤ​လၢ ​ထိၣ်​လွံၢ်​ဝါ ​တီၤ​ထီ​ကၠိ​ဒီး​ခီ​လ့ၣ်​ကၠိ ​အ​သ​ရၣ်,​သ​ရၣ်​မုၣ်​တ​ဖၣ် ​ဒီး​ပှၤ​နုာ်​လီၤ​သ​တြီၤ​တၢ်​ခဲ​လၢာ်​အိၣ်​ဝဲ (၁၉)​ဂၤ​န့ၣ်​လီၤ.

​ဝံ​သး​စူၤ, ​တၢ်​ဂ့ၢ်​တၢ်​ကျိၤ​ဘၣ်​ဃး​ဒီး ​ကျိၣ်​စ့​တၢ်​ပာ်​ဖျါ ​ကွၢ်​ဘၣ်​လံာ်​ဘျး​စဲ ​န့ၣ်​တ​က့ၢ်. ​သု​နုာ်​လီၤ​ကွၢ်​ဘၣ်​တၢ်​သး​ဝံၣ်​သ​တြီၤ​အ​တၢ်​ဂီၤ​မူ​သ့​ဝဲ​လၢ (​YouTube - KYIA Radio, Facebook - Kawthoolei Youth In Action - Helping Our People) ​ဒီး​သု​မ့ၢ်​လိၣ်​ဘၣ်​အါ​ထီၣ်​တၢ်​ဂ့ၢ်​တၢ်​ကျိၤ​မ့ၢ်​ဂ့ၤ ​တၢ်​သံ​ကွၢ်​မ့ၢ်​အိၣ်​မ့ၢ်​ဂ့ၤ ​သု​ဆဲး

​ကျိး​ပှၤ​သ့​ဝဲ​ထီ​ဘိ​ဖဲ (Phone – 612-516-8388, Gmail - publication.active.yia@gmail.com, Website: kawthooleiyouthinaction.org

) ​န့ၣ်​လီၤ.

​ခီ​ဖျိ​လၢ ​သု​တၢ်​နာ်, ​သု​တၢ်​ဟ့ၣ်​ဂံၢ်​ဟ့ၣ်​ဘါ​ယူာ်​ဃီၤ​စု​ဖိ​အ​တၢ်​မၤ​စၢၤ​အ​ဃိ​ဒီး, ​တၢ်​သး​ဝံၣ်​သ​တြီၤ​တၢ်​ရဲၣ်​တၢ်​ကျဲၤ ​အံၤ​ကဲ​ထီၣ်​ဝဲ​ဂ့ၤ​ဂ့ၤ​န့ၣ်​လီၤ. ​လၢ​န့ၣ် ​အ​မဲာ်​ညါ ​ပ​တၢ်​မၤ​သ​ကိး​အ​ဝဲ​အံၤ ​မ့ၢ်​ဝဲ​ဒၣ်​တၢ်​ချံ, ​တၢ်​ဒုး​အိၣ်​ထီၣ်​ပျဲၢ်​စီၤ​လၢ ​ပ​ပှၤ​က​လုာ် ​တၢ်​ဃူ​တၢ်​ဖိး, ​တၢ်​နၢ်​ပၢၢ်​လိာ်​သး, ​ဒီး​တၢ်​ဖံး​သ​ကိး​မၤ​သ​ကိး​တၢ်​လၢ ​ပ​က​ဆှၢ​တုၤ​က့ၤ​ပ​ပှၤ​က​လုာ်​ဆူ ​ပ​ထံ​ပ​ကီၢ် ​ပ​တၢ်​သ​​ဘျ့အ​ဂီၢ်​န့ၣ်​လီၤ

​လၢ​ပှၤ​မၤ​သ​ကိး​တၢ်​ခဲ​လၢ​အ​ခၢၣ်​စး

​ပှဲၤ​ဒီး​တၢ်​ယူး​ယီာ်​ပာ်​ကဲ​အါ

​စီၤ​သီ​မၢး​စ်​ထူ

​က​ရူၢ်​ခိၣ်,

​ကီၢ်​သူ​လ့ၤ​သး​စၢ်​လၢ​တၢ်​မၤ​သ​ကိး​တၢ်​အ​ပူၤ​က​ရူၢ်

Song For Htee Htar Sway Budget Info - Final.pdf

Download PDF • 116KB