"Saw Poe Thaw Thaw’s Legacy Foundation" change to "Guardian of Kawthoolei Scholarship Program"

"​စီၤ​ဖိ​သီ​သီ ​တၢ်​မၤ​ဂ့ၤ​ဖီၣ်​ဒ့​ၡၢၣ်" ​အံၤ ​တၢ်​ပျိာ်​လဲ​က့ၤ​အီၤ​ဆူ ​"ပှၤ​က​ဟု​က​ယာ် ​အံး​ထွဲ​ကွၢ်​ထွဲ ​ကီၢ်​သူ​လ့ၤ ​တၢ်​ဆီၣ်​ထွဲ​မၤ​စၢၤ​ကၠိ​ဖိ​တၢ်​ရဲၣ်​တၢ်​ကျဲၤ"

လါ ​မ့ၤ (၁), ၂၀၂၆

​ဖဲ ၂၀၂၄ ​နံၣ် ​လါ​မး​ၡး​အ​ဆၢ​က​တီၢ် ​ယ​ဒုး​အိၣ်​ထီၣ်​ဒီး​မၤ​လီၤ​တံၢ်​က့ၤ ​ယ​တၢ်​ဖံး​တၢ်​မၤ ​တၢ်​ဟူး​တၢ်​ဂဲၤ​လၢ​ကီၢ်​သူ​လ့ၤ​ပူၤ​တ​ခါ​လၢ​အ​မ့ၢ်​ဝဲ ​တၢ်​ဆီၣ်​ထွဲ​မၤ​စၢၤ​ကၠိ​ဖိ​လၢ ​ကီၢ်​သူ​လ့ၤ​ထံ​လီၢ်​ပူၤ,​ထံ​ဆၢ​ကီၢ်​ဆၢ, ​ဒီး​ဒဲ​က​ဝီၤ​ပူၤ​တ​ဖၣ် ​န့ၣ်​လီၤ. ​ဒီး​တၢ်​ဖံး​တၢ်​မၤ ​တၢ်​ဟူး​တၢ်​ဂဲၤ​အ​ဝဲ​အံၤ ​ယ​ယုၢ်​န့ၢ်​အ​မံၤ​လၢ ​"စီၤ​ဖိ​သီ​သီ ​တၢ်​မၤ​ဂ့ၤ​ဖီၣ်​ဒ့​ၡၢၣ်" ​န့ၣ်​လီၤ. ​တၢ်​ဂ့ၢ်​မိၢ်​ပှၢ် (၃)​ထံၣ် ​လၢ​တၢ်​ဒုး​အိၣ်​ထီၣ် ​"စီၤ​ဖိ​သီ​သီ​တၢ်​မၤ​ဂ့ၤ​ဖီၣ်​ဒ့​ၡၢၣ်" ​မ့ၢ်​ဝဲ

(၁) ​ဒ်​သိး​ကျိၣ်​စ့​တၢ်​မၤ​နီၣ်​မၤ​ဃါ ​ဒီး​တၢ်​ဂ့ၢ်​တၢ်​ကျိၤ​တ​ဖၣ်​က​အိၣ်​ဖျါ​ဝဲ​ အ​ကျိၤ​လီၤ​တံၢ်လီၤ​ဆဲး​န့ၣ်​လီၤ.

(၂) ​ဒ်​သိး​ဒီး​ပှၤ​လၢ​အ​မၤ​စၢၤ​တၢ်​မ့ၢ်​ဂ့ၤ, ​လၢ​တၢ်​ဘၢၣ်​စၢၤ​မ့ၢ်​ဂ့ၤ, ​က​အိၣ်​ဒီး​တၢ်တီ​တၢ်​တြၢ် ​ဒီး​က​ဒိး​န့ၢ်​တၢ်​သူၣ်​မံ​သး​မုာ်​ကိး​က​ပၤ​ဒဲး​အ​ဂီၢ်​န့ၣ်​လီၤ.

(၃) ​စီၤ​ဖိ​သီ​သီ​တၢ်​မၤ​ဂ့ၤ​ဖီၣ်​ဒ့​ၡၢၣ်​အံၤ ​တ​မ့ၢ်​ဝဲ​ဒၣ်​ပှၤ​ထဲ​တ​ဂၤ​အ​တၢ်​မၤ​ဂ့ၤ​မၤ​စၢၤ​တၢ်​ဘၣ်. ​မ့​မ့ၢ်​တ​ခီ ​မ့ၢ်​ဝဲ ​စီၤ​ဖိ​သီ​သီ, ​ဃုာ်​ဒီး​အ​သ​မူ​သ​ကိး​ ​ပုၢ်​ဝဲၢ်မိၢ်​ပၢ်​သ​ရၣ်​သ​မါ​ ​လၢဖံး​တၢ်​မၤ​တၢ်​တ​ဖၣ်​ဒီး ​သး​အိၣ်​ဆီၣ်​ထွဲ​မၤ​စၢၤ​တၢ် ​ခီ​ဖျိ​လၢ ​စီၤ​ဖိ​သီ​သီ ​န့ၣ်​လီၤ. ​ဒီး​တၢ်​သး​အိၣ်ဆီၣ်​ထွဲ​မၤ​စၢၤ​တ​ဖၣ်​ခဲ​လၢာ်​တၢ်​ကွဲး​ဖျါ​ထီၣ်​က့ၤ​အီၤ​က​သ့​လီၤ​ဆဲး​အီၤ​က​န့ၢ်​အ​ဂီၢ် ​စီၤ​ဖိ​သီ​သီ​တၢ်​မၤ​ဂ့ၤ​ဖီၣ်​ဒ့​ၡၢၣ် ​အိၣ်​ဒီး​တၢ်​ရဲၣ်​တၢ်​ကျဲၤ​လၢ ​က​ကွဲး​ပာ်​ဖျါ​ထီၣ် (​တ​နံၣ်​တ​ဘျီ​လံာ်​တၢ်​ပာ်​ဖျါ) ​န့ၣ်​လီၤ.

​ခဲ​အံၤ ​လါ​မ့ၤ ​ထီၣ် (၁)​သီ, ၂၀၂၆ ​နံၣ်​လၢ​တၢ်​ဟူး​ဂဲၤ​တ့ၢ် ​ဒီး​တၢ်​က့ၤ​ကွၢ်​က​က​ဒါ​က့ၤ ​တၢ်​ဂ့ၢ်​သၢ​ထံၣ်​အံၤ ​ဒီး​လၢ​တၢ်​ကွၢ်​စ့ၢ်​ကီး​တၢ်​ဆူ​မဲာ်​ညါ​အ​ဂီၢ် ​"စီၤ​ဖိ​သီ​သီ​တၢ်​မၤ​ဂ့ၤ​ဖီၣ်​ဒ့​ၡၢၣ်​"အံၤ ​ယ​ဆၢ​တဲာ်​ဒီး​ပျိာ်​လဲ​က့ၤ​ဆူ​မံၤ​အ​သီ​လၢ​အ​မ့ၢ်​ဝဲ ​"ပှၤ​က​ဟု​က​ယာ် ​အံး​ထွဲ​ကွၢ်​ထွဲ ​ကီၢ်​သူ​လ့ၤ ​တၢ်​ဆီၣ်​ထွဲ​မၤ​စၢၤ​ကၠိ​ဖိ​တၢ်​ရဲၣ်​တၢ်​ကျဲၤ" ​န့ၣ်​လီၤ. ​မံၤ​မ့ၢ်​ပျိာ်​လဲ​ဘၣ်​ဆၣ်​ဒီး ​တၢ်​ဖံး​တၢ်​မၤ​လၢ ​တၢ်​ဂ့ၢ်​သၢ​ထံၣ်​အ​ဖီ​ခိၣ် ​မ့ၢ်​ဝဲ ​ဂံၢ်​ခီၣ်​ထံး​တၢ်​ဖံး​တၢ်​မၤ ​ခီၣ်တ​​ဃာ် (၃)​ထံၣ်​လၢ ​တၢ်​ဖံး​တၢ်​မၤ​အ​ဂီၢ် ​ဒီး​ဒ်​သိး ​တၢ်​ဖံး​တၢ်​မၤ​တၢ်​ဒိၣ်​ထီၣ်​အါ​ထီၣ်, ​တၢ်​ဖံး​သ​ကိး​မၤ​သ​ကိး ​က​ဂ့ၤ​ထီၣ်​ကွ့ၢ်​ကွ့ၢ်​အ​ဂီၢ် ​တၢ်​ဂ့ၢ်​တၢ်​ကျိၤ​လၢ​အ​လိၣ်​အါ​ထီၣ်​တ​ဖၣ် ​တၢ်​က​ဘၣ်​မၤ​လၢ​ပှဲၤ​အီၤ​န့ၣ်​လီၤ.

လၢ​တၢ်​ဖံး​သ​ကိး​မၤ​သ​ကိး​အ​ပူၤ ​"စီၤ​ဖိ​သီ​သီ​တၢ်​မၤ​ဂ့ၤ​ဖီၣ်​ဒ့​ၡၢၣ်" (​မံၤ​အ​သီ - ​"ပှၤ​က​ဟု​က​ယာ်​အံး​ထွဲ​ကွၢ်​ထွဲ​ကီၢ်​သူ​လ့ၤ ​တၢ်​ဆီၣ်​ထွဲ​မၤ​စၢၤ​ကၠိ​ဖိ​တၢ်​ရဲၣ်​တၢ်​ကျဲၤ") ​မၤ​စၢၤ ​ဒီး​ဆီၣ်​ထွဲ​ဘၣ်​ဝဲ ​ကၠိ​ဖိ​လၢ​အ​မၤ​လိ​တၢ်​ခဲ​လၢာ် (၁၅)​ဂၤ, ​ဒီး​​လၢ (၁၅)​ဂၤ​အံၤ​အ​ကျါ ​ဖျိ​ထီၣ်​ဝဲ (၅)​ဂၤ ​န့ၣ်​လီၤ. ​ဒ်​တၢ်​ဂ့ၢ်​တၢ်​ကျိၤ​အိၣ်​လၢ​တၢ်​မၤ​နီၣ်​မၤ​ဃါ​ပူၤ​အ​သိး, ​ပှၤ​ဖျိ​ထီၣ်(၅)​ဂၤ​လၢ ​ပဟ့ၣ်​ဂံၢ်​ဟ့ၣ်​ဘါ​ဒီး​ဆီၣ်​ထွဲ​အီၤ​အံၤ ​တ​နီၤ ​ဆဲး​မၤ​လိ​အါ​ထီၣ်​တၢ်, ​တ​နီၤ ​နုာ်​လီၤ​မၤ​စၢၤ​တၢ်​လၢ ​ပှၤ​တ​ဝၢ​တၢ်​ဖံး​တၢ်​မၤ, ​ဒီး​တ​နီၤ​ ဒ်​အ​မၤ​တ့ၢ်​လံ​ဝဲ​အ​သိး ​ဆဲး​မၤ​စၢၤ​တၢ်​လၢ​ပှၤ​တ​ဝၢ​အ​ပူၤ ​န့ၣ်​လီၤ. ​နံၣ်​လၢ​အ​က​ဟဲ ​တၢ်​ထီၣ်​ကၠိ​နံၣ်, ​ကၠိ​ဖိ​လၢ​က​မၤ​လိ​တၢ် ​ဒီး​ပ​က​ဘၣ်​ဆှၢ​, ဆဲး​မၤ​စၢၤ ​ခဲ​အံၤ ​အိၣ်​ဝဲ (၁၂)​ဂၤ ​န့ၣ်​လီၤ. ​ပှၤ​လၢ​သး​အိၣ်​မၤ​စၢၤ ​ဆီၣ်​ထွဲ ​​ပ​တၢ်​ဖံး​တၢ်​မၤ​ဝဲ​အံၤ ​ဆဲး​ကျိး​ဒီးသံ​ကွၢ် ​သ့​ဝဲ ​န့ၣ်​လီၤ.

​မ့ၢ်​ဘၣ်​သး​သ့ၣ်​ညါ​အါ​ထီၣ်​တၢ်​ဂ့ၢ်​တၢ်​ကျိၤ ​ဖး​ဘၣ် တၢ်​ဂ့ၢ်"​တၢ်​ဒုး​အိၣ်​ထီၣ်​မၤ​လီၤ​တံၢ်​က့ၤ​စီၤ​ဖိ​သီ​သီ​တၢ်​မၤ​ဂ့ၤ​ဖီၣ်​ဒ့​ၡၢၣ်" ​န့ၣ်​တ​က့ၢ်.

တၢ်​ဘျုး

​စီၤ​ဖိ​သီ​သီ